Tuesday, August 4, 2015

ሲፈርድልን ገለልተኛ፤ ሲፈርድብን…




ምንጮች እንደዘገቡት ዛሬ (12/12/2013) የዋለው የፍርድ ቤት ችሎት በሽብርተኝነት ወንጀል ተጠርጥረው ጉዳያቸው በፍርድ ቤት በመታየት ላይ ባሉ ግለሰቦች ላይ ውሳኔ አስተላልፏል፡፡

ከተጠርጣሪዎቹ መካከል አስሩ ጥፋተኛ አይደሉም (የቀረበባቸው የአቃቢ ህግ ማስረጃ ጥፋተኛ የሚያሰኛቸው አይደለም) ሲባሉ 19 ያክሉ ደግሞ በተጠረጠሩበት ወንጀል የቀረበባቸው የአቃቢ ህግ ማስረጃ ጥፋተኛ መሆናቸውን በበቂ ሁኔታ የሚያሳይ በመሆኑ እንዲከላከሉ ውሳኔ ተላልፎባቸዋል፡፡ ይህን ዜና የአክራሪ ሃይሉ ገፆች <<ሰበር ዜና>> በሚል እየተቀባበሉት ነው፡፡ እኔን የገረመኝ ግን አዘጋገባቸው ነው፡፡ (በምስሉ ላይ ስክሪን ሾት የተደረገውን ያገናዝቡ።)

"በኢትዬጲያ ሙስሊሞች ላይ መንግስት የጥፋተኘነት ውሳኔ አስተላለፈ" አሉ፡፡

ግን ለመሆኑ በምን አይነት ስሌት ነው እነዚህ ተጠርጣሪዎች ከኢትዮጵያ ሙስሊሞች ጋር አንድና ያው የሆኑት፡፡ ማንን እንደሚወክሉ አናውቅም እንዴ? እኔ ነኝ ያለ (የአሸብር በላይን ሙዚቃ ማለቴ አይደለም) እስኪ በእነዚህ ሙስሊሞች ላይ የተወሰነ ውሳኔ በመላው የኢትዮጵያ መስሊሞች ላይ የተወሰነ ውሳኔ መሆኑን በሎጂክ ያስረዳኝ፡፡