Tuesday, February 5, 2013

ጀሃዳዊ ሐረካት፡ እዉነታ ወይስ ድራማ?

የኢትዮጵያ ብሔራዊ ቡድን ከዛምቢያ አቻዉ ጋር ያደረገዉን ጨዋታ የኳስ አፍቃሪዎችም ሆኑ ለኳሱ ደንታ የሌላቸዉ ኢትዮጵያዉያን በናፍቆት ሲጠብቁት ከርመዉ በጉጉት ኮምኩመዉታል፡፡ የኢትዮጵያ ሬዲዮና ቴሌቪዥን ድርጅት በኢቲቪ1 ዛሬ ምሽት ሊያስተላልፍ ያሰበዉ ፕሮግራምም በዚሁ መልኩ በጉጉት እየተጠበቀ እንደሆነ ይሰማኛል፡፡

ይህን ፕሮግራም ኢቲቪ “እዉነታ” ሲለዉ ‘መንግስት በእስልምና እምነት ላይ በደል እየፈፀመ ነዉ’ የሚሉ ወገኖች ደግሞ “ድራማ” ብለዉታል፡፡
ያም ሆነ ይህ ኢሬቴድ የአሸባሪዎችን ሴራ ፍንትዉ አድርጎ የሚያሳየዉን ፕሮግራም ጥር 28 አስተላልፈዋለሁ ብሎ ማስታወቂያ ከለቀቀ ጀምሮ በማህበራዊ ድረ-ገፆችም “ኢቲቪ ድራማዉን ማክሰኞ ምሽት ያሳያል” የሚሉ ተጨማሪ ማስታወቂያዎች ተበራክተዋል፡፡ የኢቲቪ “እዉነት ነዉ” እና የዛኛዉ ጫፍ “ዉሸት ነዉ” እንካሰላንቲያ ፕሮግራሙን በጉጉት እንዲጠበቅ አድርጎታል፡፡
ኳስ የሚወዱትንና ኳስ የማይወዱትን አንድ እንዳደረገዉ እግር ኳስ ጨዋታ ሁሉ የዛሬ ምሽቱ ዝግጅትም የሃይማኖት ፖለቲካ የሚጥማቸዉንም ሆነ የሚያንገሸግሻቸዉን  በአንድነት እንዲጠብቁት አነሳስቷቸዋል፡፡ ለዚህ ደግሞ የኢቲቪ ማስታወቂያ ብቻ ሳይሆን የማጥላላት ዘመቻዉም ከፍተኛ አስተዋፆ አበርክቷል፡፡
እናም ድራማ ይሁን እዉነታ ኋላ የምንፈርደዉ ሆኖ ላደረጉልን ግብዣ ግን ሁለቱንም ወገኖች ከወዲሁ ማመስገን ይገባናል፡፡
በርግጥ ዛሬ በፌስ ቡክ ገፅ ላይ በኢቲቪ በዛሬው ምሽት ከሁለት ሰዓት ዜና እወጃ በኋላ ሊቀርብ ታስቦ የነበረው ጀሃዳዊ ሃረካት የተሰኘው ዶክመንተሪ ፊልም እንዳይተላለፍ የእገዳ ትዕዛዝ ተላልፈበት፡፡” የሚል ፖስት አይቻለሁ፡፡ ይሄ ግን እኔ እስካሁን ባለኝ መረጃ መሰረት ሀሰት ነዉ::

መቸም ይህ ዝግጅት ለአየር ከበቃ በኋላም በማህበራዊ ድረ-ገፅ አነጋጋሪ ሆኖ መቀጠሉ አይቀርም፡፡ እኛም ጣል የምናደርገዉ እንዳናጣና በ“አሉ” ከመፍረድ እንድንድን ከጥቂት ሰአታት በኋላ የሚተላለፈዉን ዝግጅት እንከታተለዉ፡፡

Post a Comment