Monday, December 30, 2013

ኢንጅነር ግዛቸው የአንድነት ሊቀመንበር ሆኑ

በአንድነት ለፍትህና ለዴሞክራሲ ፓርቲ የፌስቡክ ገፅ ላይ <<ከአባላትና ደጋፊዎች ዘንድ ከፍተኛ ግፊትና ተማጽኖ በመቅረቡ ኢንጂነር ግዛቸው ድርጅቱን በሊቀመንበርነት ለመምራት እራሳቸዉን እጩ አድርገዉ አቀረቡ።>> የምትል ዘገባ አየሁ፡፡
በኋላም በምርጫው ያሸነፉት እኝሁ እንደ ልደቱ ምርጫ ሲያልፍ ጠፍተው ምርጫ ሲቃረብ ነው ድጋሚ የመጡትለፓርቲ ስራ ግዜ የላቸውምወዘተ በሚል የሚታሙት / ግዛቸው ሽፈራው ናቸው፡፡ እኔ ግን የውሸት ኢንጂነር ሳይሆኑ እውነተኛው ኢንጅነር በመሆናቸው ብቻ አደንቃቸዋለሁ፡፡ ግልባጭ ለይልቃል ጌትነት ፅፌያለሁ፡፡
ይህች የምርጫ ሂደት ምን አስታወሰችኝ መሰላችሁ? ካልተሳሳትኩ ግዜው 2002 ይመስለኛል፡፡የመላው ኢትዮጵያ አንድነት ድርጅት /መኢአድ/ በአይቤክስ ሆቴል ጠቅላላ ጉባዔውን እያካሄደ ነበር፡፡ በዛውም የፕሬዝዳንት ምርጫ ያደርግ ነበር፡፡

Thursday, December 19, 2013

የነብርን ጅራት አይዙም፤ ከያዙም…



ልክ የዛሬ ሳምንት <<ሲፈርድልን ገለልተኛ ሲፈርድብን፤ …>> በሚል ርዕስ አንድ ብጣቂ ፅሁፍ እዚሁ ግድግዳዬ ላይ ለጥፌ ነበር፡፡ የፅሁፉ አላማ የፌዴራሉ ከፍተኛ ፍርድ ቤት በሃይማኖት አክራሪነትና በሽብር ድርጊት ተጠርጥረው በህግ ጥላ ስር ባሉ ሰዎች ላይ ያስተላለፈውን ውሳኔ ያጥላሉ ሰዎችን ፍርደ ገምድልነት ማጋለጥ ነበር፡፡ ፅሁፉን ያላያችሁ ካላችሁ አሁንም በዚህ አድራሻየግል ብሎጌ ውስጥ ብትገቡ ታገኙታላችሁ፡፡
በዚህ ፅሁፍ ውስጥ ታዲያ አንድ አረፍተ ነገር ሰፍሮ ይገኛል፡፡ እንዲህ የሚል፡፡ <<ለነገሩ ዩንቨርስቲ እያለንም <A> ስናገኝ <A> አገኘሁ <F> ስናገኝ ደግሞ መምህሩ <F> ሰጠኝ እያልን አይደል እዚህ የደረስነው፡፡ >>

Monday, December 16, 2013

ኧረ የኤዲተር ያለህ!!



ሎሚ መፅሄት ቁጥር 24 ታህሳስ 5 እትም ላይ የወጣ አንድ ፅሁፍ አነበብኩ፡፡ <ፅሁፍ> የምለው በፊደሎች ስለተገነባ ብቻ እንጅ ይህን ስም ለማግኘት የሚመጥን ሆኖ አይደለም፡፡

ፀሃፊው ፍቅሩ ባልቻ ይባላሉ፡፡ በግል ስለሳቸው የማውቀው ምንም ነገር የለኝም፤ ያነበብኩትም ይህንን ፅሁፋቸውን ብቻ ነው፡፡ ካሁን በፊት ስለመፃፋቸውም የማውቀው ነገር የለም፡፡ ብቻ ይህ ፅሁፋቸው ከደረጃ በታች ሆኖ ስላገኘሁት የመፅሄቱንም ዝና <ካለው ማለቴ ነው> የሚያበላሽ ስለሆነ ልተቻቸው ወደድኩ፡፡

የፅሁፉ ርዕስ <<የአቶ ደመቀ መመረቅ ዜና ሊሆን ይችላልን?>> ይላል፡፡

Saturday, November 30, 2013

ብዙሃን ታታሪ… ጥቂት አሸባሪ… አንድ ፈሪ፤

 

(ቀልድ ቀመስ ትረካ ታገል ሠይፉ)
ሕንድ በአንድ ወቅት በድህነት በሽብርተኝነት የምትታመስ ሃገር ነበረች፡፡ ለዘመናት በሙስሊም በሒንዱ ሃይማኖቶች አመሃኝተው በዘር በጎሳ ተደራጅተው ቁም ስቅሉዋን ሲያሳዩዋት ኖረዋል ጭር ሲል ቅር ይለናል የሚሉ ጋጠወጥ ሽብርተኞች፡፡ ታዋቂ የቦሊውድ ተዋናዮች ዘፋኞች እራሳቸውን ከሽብርተኞች አደጋ ለመከላከል ሲሉ በጋርድ መንቀሳቀስ የጀመሩትም በዚያ አስቸጋሪ ወቅት ነበር፡፡
እዚህ ላይ ጋርድ ማለታችንን ተከትላችሁ ለምታሳድዱንና፡-
ካልታጣ አማርኛ
ያንተ እንግሊዘኛ
አይመቸን እኛ……..” በምትል ግጥምም ሆነ በስድ ንባብ ስድ ናችሁ ለምትሉን የቋንቋ ተቆርቋሪዎች ይቅርታችን ይድረሳችሁ፡፡

Thursday, November 21, 2013

ያረረበት ያማስል




በጠዋት ተነስቼ ወሬ ስቃርም አንድ በኢትዮጵያ ነገረ ስራና በሀገሩ ተደራዳሪዎች የተበሳጨ ግብፃዊ ፕሮፌሰር ታላቁን የህዳሴ ግድብ አስመልክቶ የፃፈውን ረዘም ያለ ትንታኔ ተመለከትኩ፡፡ ይህ ምሁር የተሰማውን የብስጭት ስሜት ያሰፈራቸው ቃላት እንኳን በደንብ የገለፁለት አይመስሉም፡፡


በፅሁፉ <<እዚህ ሆነን በውሃ ጥም ከምናልቅ እዛው ኢትዮጵያ ሄደን እየተዋጋን ብንሞት ይሻለናል>> የሚለውን የዱሮውን መሪውን የሳዳትን ንግግር አስታውሷል፡፡ እኔማ <<እኛ እናንተን ውሃ የማስጠማት አጀንዳ የለንም፤ አይሆንም ካልክ ግን ና ና ሞክረን>> ብዬ እፅፍለታለሁ፡፡ችግሩማ የራሳችን መሪዎች ነው፡፡ አፄ ዮሃንስ በጉራና ጉንደት ጦርነቶች ወቅት ለወሬ ነጋሪ ቢያስተርፉላቸው ኖሮ መች እንዲህ ይመኙ ነበር፡፡


ሰውየው ቅናታም ቢጤ ነው፡፡ እስኪ ያሳያችሁ የሚቀናበት ቢያጣ በኢትዮጵያ ወተት ይቀናል፡፡ “ኢትዮጵያ ከግብፅ በተለየ መልኩ ከዝናብ በምታገኘው ውሃ አማካኝነት ሰፊ የእንስሳት ሃብት ልማት ስላላት በአፍሪካ ትልቋ የተፈጥሮ ወተት ላኪ ሀገር /exporter/ ሆናለች፡፡ ውሃዋ እንደ ግብፅ ያልተበከለ ስለሆነ ለአውሮፓ ሀገራት ምግብ ከሚያቀርቡ ቀዳሚ ሀገሮች ተርታ ተሰልፋለች” አለ፡፡ 

Tuesday, November 19, 2013

China: where tea tastes great without sugar




This is my first trip to China. During my flight to Beijing, I was reading a book entitled ‘General Knowledge of China’. The book enthuses me to visit places like the Great Wall of China, the Great Hall, the Bird’s Nest Stadium, China’s subway and the Temple of Heaven, Beijing’s Silk Market … to name a few.


I went to China to take part in the African Political Parties Seminar that intends to exchange on the ruling party’s /CPC/ media and publicity experiences, China-Africa Cooperation and the Chinese Dream. 


Despite my plan to see such attractive sites, I managed to visit, however, only the Great Wall of China which was built as fortification 2000 years ago. Figures say it enjoys around 4 million visitors per annum. Tourists flock to the area in groups, pairs or alone. It is not strange to find there students with uniforms, couples in each other’s arms, oldies with lots of memory and foreigners filled with surprise. 

Monday, September 16, 2013

ራሳችሁን ከአደገኛ ሹፌሮች ጠብቁ


ቅርብ ግዜ ነው፡፡ በመስሪያ ቤታችን መኪና ተሳፍረን ወደየቤታችን እየተጓዝን ነው፡፡ ሳሪስ ሃና ማሪያም አካባቢ ስንደርስ አንድ ውሻ ወደ መንገዱ ሲገባ አየነው፡፡ መኪናው በፍጥነት ነበር የሚጓዘው፤ ለዛውም በቁልቁለት፡፡ በዛ ፍጥነት ሁላችንም ሹፌሩ Andualem Mekonnen Andu Kiya መኪናውን ለማቆም ቢሞክር እንደምንገለበጥ፤ በዛው ፍጥነት ከቀጠለ ደግሞ ውሻውን እንደሚገጨው እያሰብን ነበር፡፡ በድንጋጤ ተውጠን ባለንበትገጭየሚል ድምፅ ሰማን፡፡
ከመካከላችን አንደኛው አዳንከው?” ሲል ሹፌሩን ጠየቀው፡፡ አዳንኩት አለ ትንሽ ቆይቶም ከዚህ አለም ኑሮ አዳንኩት ሲል ቀለደ፡፡ እኛም ሳቅንለት፡፡
በቀደም ደግሞ ምሽት 300 ሰዓት ላይ በሌላ መኪና ተሳፍረን እንደተለመደው ጎናችንን ልናሳርፍ ወደየቤታችን እየሄድን ነው፡፡ መሻለኪያ አካባቢ ስንደርስ አስፋልቱን የሚመስል ጥቁር ውሻ መንገዱ መሃል ተኝቶ አጋጠመን፡፡ መኪናው ሲደርስበት ለማምለጥ ቀና አለ፡፡ ግን ዘግይቶ ነበር፡፡ ባለበት ድፍት ብሎ ህይወቱ አለፈች፡፡

Friday, September 6, 2013

አንዳንድ ግዜ እኮ ‘አቶ’ም ይበዛል

ሳባዊ ደሳለኝ በፌስ ቡክ ገፁ አንድ አነጋጋሪ ጥያቄ አነሳ፡፡ <<በመስኖ ልማት ኢንጅነሪንግ የመጀመሪያ ድግሪ ብቻ ያለው የሰማያዊ ፓርቲ ሊቀመንበር ይልቃል ጌትነት ለምን ኢንጅነር ይልቃልተብሎ ይጠራል?>> የሚል፡፡
አንድ ምሁር ለሳባዊ ደሳለኝ እንደነገሩትና እሱም አንብቦ እንደተረዳው አንድ ባለሙያ ኢንጅነርየሚል ማዕረግ እንዲሰጠው ወይም ኢንጅነር ተብሎ እንዲጠራ ቢያንስ በሙያው ሁለት ዲግሪ ያለውና በተጨማሪም በሙያው ጥናትና ምርምር ያደረገ መሆን አለበት። እኔም መምህሬ ይህንኑ ነው ያስተማረኝ፡፡ ኧረ እሱ እንደውም በህክምና የመጀመሪያ ዲግሪ ያለውን ባለሙያ ዶክተር ማለትም አይገባም ሲል ይከራከራል፡፡
መቸም ካፈርኩ አይመልሰኝ በሚል ካልሆነ በስተቀር ኢንጅነሪንግ የተማረ ሁሉ ኢንጂነር የሚባል ማዕረግ ይኖረዋል ብሎ የሚከራከር አይኖርም፡፡ ራሱን ይልቃል ጌትነትን ጨምሮ ማለቴ ነው፡፡ መባል አለበት የሚል ከሆነም ራሱን መጀመሪያ መጠየቅ ያለበት በሰፈሩና በስራ ቦታው ያሉ በሲቪል ምህንድስና፤ በኤሌክትሪክ ምህንድስና፤ በእርሻ ምህንድስና፤ በውሃ ምህንድስና፤ በኮምፒውተር ምህንድስና፤ ወዘተ በዲግሪ የተመረቁ ወጣት ባለሙያዎችን ሁሉ "ኢንጂነር" እያለ መጥራቱን ነው፡፡
እኔ ግን 'ለሳባዊ ደሳለኝ ጥያቄ እንዲህ ስል ምላሼን ሰጠሁ፡፡
<<ምን እናድርግ፤ ኢንጅነር ብርቅ ሆኖብን እኮ ነው፡፡ አሁን አሁን እንጂ በፊትማ አንድ ዲግሪ ያለውስ ማግኘት ፈተና አልነበረም እንዴ? ያኔማ በአንድ ዲግሪ የሚሰበሰበው ኪራይም ነፍ ነበር፡፡ <<ትምህርት ዱሮ ቀረ>> የሚሉን እኮ እሱንም እያሰቡ ነው፡፡ አናውቅም እንዴ! 1997 <<የዶክተርና የኢንጅነር ስብስብ ነን>> እየተባለ ጥሩንባ ሲነፋብን አልነበር፡፡ አሁንም በዛው የኢንጅነሮችና የዶክተሮች ትዝታ ውስጥ የሚኖሩት ናቸው ይልቃል ጌትነትንኢንጂነርየሚሉትና እንዲባልላቸውም የሚፈልጉት፡፡>>
ሰሞኑን ቢቢሲን ጨምሮ አንዳንድ የውጭ ሀገር የመገናኛ ብዙሃን <<የኢትዮጵያ መንግስት የሰማያዊ ፓርቲን ሰልፍ አላሰናከልኩም ሲል አስተባበለ>> በሚል ባወጡት ዘገባ ላይ ይልቃል ጌትነትን ቃለ መጠይቅ እንዳረጉት ገልፀዋል፡፡ ግን ኢንጂነር ብለው ማዕረግ አላጎናፀፉትም፡፡
ይሄ ሰውኢንጅነርለመባል ገና መማር እንዳለበት ለነሱ አልጠፋቸውም፡፡ ግን ይህ ሰው የሚማር አይመስልም፡፡ ቢማር አይገባውም ማለቴ ግን አይደለም፡፡ ግዜውን አዳዲስ ሰልፍ በማቀድ፤ ክስ በማርቀቅና ኤምባሲዎች በመዞር የሚያሳልፍ ሰው የሚማርበትና የሚያጠናበት ግዜ እንደማይኖረው በማሰብ እንጂ፡፡
ያም ሆኖ እኔ ይልቃል የግድ ትምህት ቤት ገብቶ መማር አለበት ብዬ አላምንም፡፡ ከሰራበት የያዘው ድግሪም በቂ ነው፡፡ በተለይ በመስኖ ልማት የተገኘ ዲግሪ ራስን፤ አካባቢንና ሀገርንም መለወጥ ያስችላል፡፡ ያም አይሆንም ብሎ ፖለቲካውን ከመረጠ ስኬታማ የማይሆንበት ምክንያት የለም፡፡ እንዲህ እንዳሁኑ ቁስል እየፈለገ የማከክ ስልት የሚከተል ከሆነ ግን ለማንም አይበጅም፡፡
ይልቃል ጌትነት እንደፓርቲ መሪ ሀገርን ሊያሳድጉ ይችላሉ፤ የህዝቦችን ችግር ይፈታሉ የሚላቸውን አማራጮች ማቅረብ አለበት፡፡ ከልምድ ማነስ የተነሳ በሌሎች ዘርፎች ላይ ከኢሕአዴግ የተሻለ አማራጮችን ማቅረብ ሊሳነው ይችላል፡፡ ግን ሌላው ቢቀር በተማረበት የመስኖ ልማት ዘርፍ እንኳን አንድ ነገር ጣል አያደርግም እንዴ?
ሳባዊ ደሳለኝ ወርወር ያደረጋት ምክር ለይልቃል የምታዋጣው ትመስለኛለች፡፡ <<ኢንጅነር ነኝ በማለት ያልተሳካለት ፖለቲከኛ ከሚሆን በሙያው እየሰራ የሀገሩ ገበሬ ምርታማ እንዲሆን ሞያዊ እገዛ ቢያደርግ የተሻለ ስኬታማ ይሆናል እላለሁ፣ ካልተጠበቀ ኪሳራም ይድናል>> ሲል ነው ምክሩን የለገሰው። እኔም እደግፋለሁ፡፡ እናም ደግሜ እመክራለሁ፡፡
ይሄ የመስኖ ልማት እኮ በታሪክ ትምህርት የተመረቀውን የኢዴፓውን ልደቱ አያሌውን እንኳን ያንገበግበው ነበር፡፡ <<ኢሕአዴግ በዘርፉ ለመጠቀም ካለን እምቅ ሃብት አንፃር ተመጣጣኝ እቅድ የለውም>> እያለ በተደጋጋሚ ይተች ነበር፡፡ ባለፉት ጥቂት አመታት በሀገሪቱ በመስኖ ልማት ላይ የሚደረገው ርብርብ ከኢዴፓ የተኮረጀ ሀሳብ እንዳይሆን እጠራጠራለሁ፡፡ ታዲያ ይልቃል ጌትነት ይችን የልደቱ አያሌውን ሌጋሲ እንኳን ማስቀጠል እንዴት ያቅተዋል? ይሄ እንደውም ሰውየው የመጀመሪያ ዲግሪውንም በደንብ አልተማረውም እንዴ? የሚል ጥያቄ አጭሮብኛል፡፡
ኧረ ጎበዝ! አንዳንድ ግዜ እኮአቶ ይበዛል፡፡ እኔ ይልቃልን ብሆን ማዕረጌን በመቀየር ረገድ ተነሳሽነቱን የምወስደው ራሴ ነበርኩ እንጅ ይሄ ያንተ አይደለም እስከምባል አልጠብቅም፡፡አቶዬ ይሻለኛልብዬ በአደባባይ ነበር የማውጀው፡፡ ይሄው ፕሮፋይሌን ያልቀየርኩትና ከባለ አንድ ዲግሪዎች ጋር የምጋፋው አንዲት ቁራጭ ፅሁፍ ለመምህሬ ማስረከብ አቅቶኝ አይደል እንዴ፡፡
አሁንም ግዜው አልረፈደም፡፡ እናም ለአቶ ይልቃል አንድ በአንድ የሚከተሉትን አቋሞች ወስደው ወይ በኢሳት ወይ በኢካዴፍ አለዛም በሃበሻ ቲዩብ አማካኝነት ይፋ እንዲያደርጉ እጠይቃለሁ፡፡
1.  እስካሁን ኢንጂነር ስባል መቆየቴ ተገቢ እንዳልሆነ ተረድቻለሁ
2.  ካሁን በኋላ ራሴንም ሆነ መሰሎቼን ኢንጂነር ብዬ አልጠራም
3.  ካሁን በኋላ ኢንጂነር ብሎ የሚያሞግሰኝን ግለሰብም ሆነ የመገናኛ ብዙኋን እከሳለሁ
4.  ራሴ በፈጠርኩት ስህተት የተነሳ ስራዬን ሳይሆን ማዕረጌን አይተው የተጠጉኝ የዋሆች በሙሉ ወደ ልቦናቸው እንዲመለሱ እጠይቃለሁ፡፡